Èske n ap voye moun nan eleksyon?

Sa pa nan plan nou. Nou prefere mobilize dèyè yon vizyon pase n mobilize dèyè kandida. Se sa nou vle di, lè nou di #LideAnvanLidè. Li enpòtan pou nou rete yon inisyativ sitwayen pou n ka kontinye kenbe presyon sou moun ki eli yo. 

Objektif nou se mobilize moun pou yo patisipe nan eleksyon, nan vote, nan ede kandida ki pral egzekite plan #AyitiNouVleA, nan vini kandida pou egzekite plan an yo menm.

#AyitiNouVleA plis pase yon hashtag, se yon desizyon nou pran pou n konstwi peyi a, yon angajman pou n travay pou tout moun viv tankou moun. N ap rive fè sa lè, antanke sitwayen, nou repran an men demokrasi nou an. Sa vle di: Patisipe nan eleksyon, Mobilize elektora dèyè yon vizyon #AyitiNouVleA e non dèyè yon moun. Egzije eli yo, kèlkelanswa moun yo ye a, respekte vizyon sa.

https://twitter.com/AyitiNouVleA/status/1153659437577572353?s=19

 

Afiche 2 reyaksyon

Souple verifye imel ou pou yon lyen k ap pèmèt ou aktive kont ou.
  • Jean Leger
    commented 2020-02-01 14:54:38 -0400
    Pwoblèm ki genyen nan sa sè ke ou mèt gen pi bel vizyon ou te ka genyen an depi w pa gen moun pou pote l ou gentan echwe an lagan. Se pou tèt sa mwen pwopoze pou anndan oganizasyon an nou kreye yon pati politik ki pou defann vizyon nou ki se pi bon vizyon pou peyi a ki te ka ekri jouk jodi a.
  • Twitter
    published this page in Kesyon Repons 2019-08-18 09:48:36 -0400